 |
 |
 |
SISTEMA FISCAL
IMPOSTO SOBRE O RENDEMENTO: IRS E IRPF
DIFERENTES SITUACIONS NAS QUE SE PODE ATOPAR UN TRABALLADOR FRONTEIRIZO
|
|
|
SISTEMA FISCAL
IMPOSTO SOBRE O RENDEMENTO: IRS E IRPF
DIFERENTES SITUACIONS NAS QUE SE PODE ATOPAR UN TRABALLADOR FRONTEIRIZO
II— TRABALLADORES INDEPENDENTES - CASO PRATICO 1
PRESTACION DE SERVICIOS NO TERRITORIO PORTUGUES A TRAVES DUNHA INSTALACION PERMANENTE
PRESTACION DE SERVICIOS NO TERRITORIO ESPAÑOL A TRAVÉS DUNHA INSTALACION PERMANENTE
CASO PRACTICO 1: PRESTACION DE SERVICIOS NO TERRITORIO PORTUGUES A TRAVES DUNHA INSTALACION PERMANENTE
Don X, traballador español, exerce unha actividade independente como médico en España - Tui. Non obstante, desprázase tódolos días a Portugal, a Valença, o seu consultorio, para prestar consultas médicas a particulares entre as 18.00 p.m e as 20.00 p.m., regresando a Tui. Ten a súa casa en Tui. Está casado e ten dous fillos, que tamén viven en España.
CUESTIONS
a) ¿A efectos fiscais onde é considerado residente?
En España.
De acordo coa lexislación portuguesa, Don X non é considerado residente en Portugal, a efectos fiscais, xa que non permanece en territorio portugués máis de 183 días, seguidos ou intercalados, durante o ano civíl.
Segundo a lexislación española é considerado residente fiscal en España por permanecer durante máis de 183 días, durante un ano natural, en territorio español.
b) ¿A efectos do imposto sobre o rendemento en que país tributan os rendementos obtidos en Portugal?
En Portugal, e en España polas rendas mundialmente obtidas, tendo dereito á deducción por dobre imposición internacional.
De acordo co artigo 14º n.º1, da CDT, tributan en Portugal os rendementos ahí obtidos, xa que Don X dispón dunha instalación permanente para o exercicio das súas actividades.
En España Don X tributará pola súa renda mundial incorporando como rendementos da actividade profesional os obtidos en Portugal na súa correspondente declaración do IRPF.
c) ¿Como tributan eses rendementos en Portugal?
Don X terá que inscribirse en la Administración portuguesa de Facenda, como traballador independente. Para iso terá que solicitar anteriormente a tarxeta de contribuínte. Deberá para iso presentar unha Declaración de Inscripción no Rexistro/Inicio de Actividade (Anexo VIII), de acordo co art. 105º do Código do IRS e de acordo co art. 30º do Código do IVA, que poderá ser adquirida en calquer Tesorería das Finanzas. Deberá designar un representante fiscal, con residencia ou sede en Portugal, de acordo co art. 120º do Código de IRS, debendo constar na Declaración de Inicio de actividade.
Deberá tamén emitir recibos Modelo n.º 6 (Anexo V), que se adquiren en Facenda, polos servicios prestados.
Ó final do ano, deberá presentar-la Declaración de Rendementos Modelo 3 (Anexo VI), onde se detallan os ingresos e os gastos (tales como alquileres, utensilios de medicina, entre outros) da actividade, sendo o resultado da actividade calculado, e se é positivo, tributará de acordo coas taxas xerais do Código de IRS na escala alí prevista.
d) ¿Como tributará en España e como eliminar unha posible dobre tributación?
En España Don X tributará pola súa renda mundial incorporando como rendementos da actividade profesional os obtidos en Portugal.
Estaremos ante unha situación de dobre tributación que terá que ser resolta de acordo co art. 23º da CDT. Don X poderá deducir da cota líquida do seu IRPF a menor das seguintes cantidades:
A deducción por dobre imposición internacional realizase na mesma declaración do IRPF (modelos pendentes de aprobación na data de elaboración deste manual), sen necesidade de adxuntar ningún documento adicional.
CASO PRACTICO 1 BIS: PRESTACION DE SERVICIOS NO TERRITORIO ESPAÑOL A TRAVÉS DUNHA INSTALACION PERMANENTE
Don X, traballador portugués, exerce unha actividade independente como médico en Portugal - Valença. Non obstante, desprázase tódolos días a España, Tui, o seu consultorio para prestar consultas médicas a particulares, entre as 18.00 p.m e as 20.00 p.m., regresando a Valença. Ten a súa casa en Valença. Está casado e ten dous fillos, que tamén viven en Portugal.
CUESTIONS
a) ¿A efectos fiscais onde é considerado residente?
En Portugal.
De acordo coa lexislación portuguesa, Don X é considerado residente en Portugal, a efectos fiscais, unha vez que permanece en territorio portugué máis de 183 días, seguidos ou intercalados, durante o ano civíl, e ahí ten un aloxamento que ocupa como residencia habitual.
Non será considerado residente fiscal en España a non ser que radique en territorio español o núcleo principal dos seus intereses económicos.
b) ¿A efectos do imposto sobre rendemento en que país tributan os rendementos obtidos en Portugal?
En España, e en Portugal polas rendas mundialmente obtidas, tendo dereito á deducción por dobre imposición internacional.
De acordo co artigo 14º n.º1, da CDT, tributan en España os rendementos ahí obtidos, xa que Don X dispón dunha instalación permanente para o exercicio das súas actividades.
c) ¿Como tributan eses rendementos en España?
Don X deberá darse de alta no censo de empresarios, profesionais e retenedores con antelación ó inicio da actividade mediante a presentación dun modelo 036 (ver anexo X) como non residente con establecemento permanente con actividade continuada que pecha o ciclo mercantil.
Don X deberá nomear un representante con domicilio en territorio español, de cara as súas relacións coa Facenda Pública española e está obrigado a comunica-lo nomeamento, debidamente acreditado, á Delegación ou Administración da AEAT na que se teña que presenta-la declaración polo imposto, dispoñéndose para iso dun prazo de dous meses desde que o nomeamento se produxo. A comunicación ten que ir acompañada da expresa aceptación do representante.
Deberá emitir factura completa polos servicios prestados, así como levar unha contabilidade separada referida ás operacións que realicen e ós elementos patrimoniais que teñan afectos.
Dentro dos vintecinco días naturais seguintes ós seis meses posteriores á conclusión do periodo impositivo deberán presentar declaración do IRNR (modelo pendente de aprobación na data de redacción deste manual) marcando a casilla correspondente a non residente con establecemento permanente, tomando como base impoñible a que se determine segundo as regras do IS, deducindo dos ingresos da actividade do EP os gastos directamente imputables a él (tales como alquileres, utensilios de medicina e outros) e aplicando o tipo de gravamen do 35%.
d) ¿Como tributarán en Portugal e como eliminar unha posible dobre tributación?
En Portugal Don X tributará polos rendementos mundialmente obtidos, incluindo os rendementos obtidos en España.
Estaremos ante unha situación de dobre tributación, na que Don X terá dereito a un crédito do imposto por dobre tributación internacional, de acordo co artigo 80º, n.º 4 do Código de IRS, deducible ata o límite da parte da cota do IRS proporcional ós rendementos líquidos obtidos en España, a deducir na declaración do IRS que será presentada ó final do ano e que corresponderá á menor das seguintes cantidades:
A efectos desta deducción na cota, os rendementos obtidos en España deberán ser englobados polo seu montante bruto, para o cálculo do rendemento tributable, a través do anexo J (Anexo VIII).
Deberá ir tamén como anexo á declaración do IRS o comprobante do imposto pagado en España.