10
1.1.2. Emprego na Administración Privada
¿Como funcionan os servizos públicos de emprego?
Os servizos públicos de emprego españois, tanto estatais coma rexionais, median no mercado laboral pondo en contacto a oferta e a demanda de emprego. Dispoñen dunha rede de oficinas de emprego, a cuxos servizos de colocación poden acceder todas as categorías laborais.
A cidadanía comunitaria ten os mesmos dereitos cá de nacionalidade española. Sempre que se teñan os 16 anos cumpridos, é posible utilizar os servizos das oficinas de emprego; para isto, simplemente hai que presentar a tarxeta de identidade ou o pasaporte en vigor e dispor dun domicilio en España. Informarante de forma gratuíta sobre ofertas de traballo, medidas de fomento do emprego, formación profesional ocupacional, tramitación de prestacións e subsidios, etc.
Unha vez realizado o trámite de inscrición, débese renovar periodicamente a demanda nos prazos fixados e comunicar calquera modificación das características persoais e profesionais.