No caso específico do recoñecemento do grao de Doutor, existe lexislación nacional que evidencia certas diferencias relativas ao tratamento do recoñecemento dos graos de licenciado e de mestre. Esta lexislación pretende outorgar a aqueles doutorados por universidades estranxeiras os mesmos dereitos consagrados aos doutorados por universidades portuguesas, o cal non implica que lles sexa concedida a titularidade do grao de Doutor por unha universidade portuguesa.

No ámbito do Decreto-Lei n.º 216/97, de 18 de agosto, son recoñecidos aos cidadáns portugueses e aos cidadáns estranxeiros (que por forza de normas de dereito internacional sexan beneficiarios, neste dominio, dos mesmos dereitos dos cidadáns portugueses) acreditados con graos académicos estranxeiros de nivel, obxectivos e natureza similares aos do grao de Doutor conferido polas universidades portuguesas, os dereitos resultantes da titularidade deste. Con todo, este tipo de recoñecemento non implica o recoñecemento da titularidade do grao de Doutor ou de calquera outro grao ou diploma polas universidades portuguesas.
Neste sentido, foi nomeada unha Comisión de Recoñecemento de Graos Estranxeiros que debruza a súa tarefa sobre a deliberación do elenco de graos académicos concedidos por centros de Ensino Superior estranxeiros a recoñecer como posuidores de nivel, obxectivos e natureza idénticos aos do grao de Doutor conferido polas universidades portuguesas.

País Grao
Alemaña Doktor/doctor
Austria Doktor/doctor
Bélxica Docteur/doctor
Brasil Doutor *
Dinamarca Ph. D. (Philosophiae Doctor)/doctor
España Doctor
Estados Unidos de América Doctor (acreditado pelo American Council of Education – ACE)
Finlandia Tohtori/doktor
Francia Docteur
Grecia Didaktor
Holanda Doctor
Irlanda Ph. D. (Philosophiae Doctor)/D. Phil. (Doctor of Philosophy)
Italia Dottore di ricerca
Noruega Doktor scientiarus
Reino Unido Ph. D. (Philosophiae Doctor)/D. Phil. (Doctor of Philosophy)
Suecia Doktor
Suíza Doktor/ docteur/ dottore
*(cualificación A ou B, ou 6 ou 7 atribuída pola Fundación de Perfeccionamento de Persoal do Nivel Superior – CAPES)

Non obstante, a producción de calquera efecto relativo á capacidade de usufruír os mesmos dereitos inherentes á titularidade do grao de Doutor polas universidades portuguesas encóntrase condicionada ao previo rexistro do título nunha universidade pública portuguesa. De acordo co Decreto n.º 69/98, de 18 de decembro, o rexistro dos títulos de grao de Doutor conferidos por institucións de Ensino Superior estranxeiras e recoñecidos en Portugal, ao abrigo do Decreto-Lei n.º 216/97, de 18 de agosto, poderá ser requirido polo detentor do diploma ou o seu representante legal, ao rector dunha universidade pública portuguesa. A fin de instruír a petición de rexistro deberá constar:
· O orixinal do título;
· Un exemplar da tese defendida.

O rector da universidade portuguesa seleccionada poderá solicitar, á universidade estranxeira que emitiu o título, a confirmación da súa autenticidade.
O rexistro é anotado no reverso do orixinal do título e presenta a forma seguinte (n.º 6º do decreto 69/98, de 18 de febreiro):
“Nos termos do disposto no artigo 1º do Decreto-Lei n.º 216/97, de 18 de agosto, este diploma confire ao seu titular os dereitos inherentes ao grao de doutor polas universidades portuguesas.
Rexistrado na Universidade de .... (nome da universidade) con n.º .... .
...... (cidade sede da universidade que efectúa o rexistro, a .... (data do rexistro).
O rector, .... (sinatura do rector, sobre a que se acrecenta selo branco)”.

Despois de realizado o rexistro é efectuada unha copia do título (anverso e reverso), sendo o orixinal devolto ao solicitante. O rexistro deberá ser efectuado no prazo de dez días útiles, a contar desde a recepción da solicitude na rectoría da universidade portuguesa escollida.