DESPLAZAMENTO NO SENTIDO PORTUGAL-GALICIA

A Convalidación e a Homologación en España de títulos estranxeiros non Universitarios, está regulada no Real Decreto 104/1988 de 29 de xaneiro, sobre Homologación e Convalidación de títulos e estudios estranxeiros de educación non universitaria (B.O.E. de 14 de febreiro de 1988) (Ver anexo V: Lexislación Referente á Convalidación e Homologación de Estudios e Títulos).

Neste capítulo trataremos o proceso de convalidacións e/ou homologacións de títulos obtidos en Portugal, para o ingreso ou o proseguimento de estudos no ensino secundario, así como para o exercicio dalgunha actividade profesional.

Comezaremos definindo e diferenciando cada un dos conceptos mencionados:

• HOMOLOGACIÓN: A homologación de títulos estranxeiros non universitarios, supón o recoñecemento do grao académico do que se trate. Este recoñecemento permite continuar estudios no nivel educativo subseguinte do Sistema Educativo Español e implica o recoñecemento dos efectos profesionais do título español de referencia.
• CONVALIDACIÓN: A convalidación de estudios parciais estranxeiros non universitarios, por cursos españois de educación non universitaria supón o recoñecemento de equivalencia destes estudios ós efectos de continuidade de estudios no Sistema Educativo Español.

A homologación e a convalidación de títulos pode ser solicitada por calquer cidadán español ou estranxeiro que teña cursado estudios ou obtido un título oficial nun centro oficial autorizado.

Para proceder á convalidación ou homologación de títulos ou estudios, o expediente debe responder a algún dos seguintes supostos:

• Homologación dun título ou diploma estranxeiro ó título español que corresponda.
• Homologación de estudios estranxeiros a un título español.
• Convalidación de estudios estranxeiros polos correspondentes españois, co obxecto de continuar estudios no Sistema Educativo Español.

Como se pode apreciar a continuación, o proceso para solicitar a homologación ou a convalidación de títulos e estudios estranxeiros polos correspondentes españois é semellante, independentemente cal sexa o nivel ó que se pretenda acceder. Sen embargo, para que o proceso resulte máis claro, a continuación vamos a explicar o proceso segundo a etapa educativa á que se pretenda acceder.

* E importante destacar que para as/os alumnas/os estranxeiras/os que queiran incorporarse ó Sistema Educativo Español

en Educación Primaria ou nos tres primeiros cursos da Educación Secundaria Obrigatoria non terán que facer ningunha solicitude fóra do centro onde se queira incorporar xa que os trámites de solicitude e a incorporación se fará directamente no propio centro, no curso que lle corresponda segundo a idade.