e un cidadán estranxeiro quixer obte-la equivalencia de estudios entre un curso de formación de Nivel III e un curso das escolas profesionais debe, tal como no cursos xerais e nos cursos tecnolóxicos, dirixirlle a petición ó Ministerio da Educación — Departamento do Ensino Secundario.

Non existe actualmente lexislación específica para este tipo de ensino especial. Para enceta-lo proceso de obtención de equivalencias, o cidadán estranxeiro debe incluír na documentación o respectivo certificado académico (nos termos definidos para os cursos xerais), e o Director do Departamento do Ensino Secundario concederalle a equivalencia ó curso impartido en Portugal que máis se adecúe ó perfil do ciclo obtido.

As equivalencias no nivel do ensino secundario entre Portugal e España aparecen na táboa que se representa na páxina seguinte (de acordo co Decreto-Lei nº 219/97 do 20 de agosto).