O descenso do número de parados do sector primario foi do 5,4% con relación ó segundo trimestre do ano, e do 7,16% con respecto á cifra correspondente a este período no ano anterior, por outro lado, a industria amósase como outro dos sectores cun comportamento máis favorable en Galicia realtivo á reducción de número de desempregados. No mes de setembro de 2001 o número de parados da industria situouse en 21.682, un 1,84% con respecto ó segundo trimestre do mesmo ano e un 4,04% en relación ó terceiro trimestre de 2000.
O paro de traballadores do sector construcción continúa tendo unha evolución moi favorable en Galicia, coa maior diminución porcentual de todos os sectores de actividade no terceiro trimestre de 2001. Respecto ó paro no sector servicios, en termos trimestrais os datos son moi favorables, cunha diminución do paro rexistrado do 1,55% en termos porcentuais.
Por último, o número de parados sen emprego anterior evolucionou á baixa no terceiro trimestre de 2001, tanto en termos trimestrais como interanuais.
Na figura 3.9 (ver páxina seguinte) podemos observa-la evolución do paro sectorialmente na provincia de Pontevedra ó longo das dúas últimas décadas.