3.2.3. - Distrito de Vila Real
3.2.3.2. - Economía
O sistema económico do distrito de Vila Real baséase na agricultura, na especialización en sectores tradicionais da industria extractiva e no pequeno e medio comercio. A pesar da predominancia do sector primario en todo o distrito, non se rexistra unha homoxeneidade sectorial, mesmo ó nivel máis restrictivo do concello. Vila Real, Chaves e Peso da Régua establécense claramente como pólos decisorios da concentración das actividades económicas e, consecuentemente, da concentración do emprego por conta doutros na xeneralidad dos ramos de actividade.
En 1995, a taxa de desemprego do distrito era cerca de 6%, sendo bastante superior no sexo feminino (11%). Mesão Frio, Sabrosa e Peso da Régua eran os distritos cunha taxa de desemprego máis elevada (19%, 14% e 13%, respectivamente).
En 1996 existían no distrito 2906 empresas, o que corresponde a penas a 4.4% da rexión Norte. De acordo coas fichas concellares da CCRN, os sectores do comercio e dos servicios representan cerca dun tercio do número de establecementos, en oposición a cerca do 14% dos establecementos ligados ás industrias transformadoras, construcción civil e obras públicas e 55% dos establecementos de producción agrícola e silvícola.
No que se refire ó volume de vendas das empresas industriais, o sector máis significativo é o das industrias alimentarias, das bebidas e do tabaco, con 57%, seguido das industrias da madeira, do corcho, mobiliario, con 17%. As industrias metalúrxicas de base, tamén presentan un volume de vendas apreciable (8%).
En 1996 existían cerca de 21 mil persoas no servicio dos establecementos existentes, o que corresponde a penas ó 2,6% do total da rexión Norte. Na análise concellar, verifícase que os concellos de Vila Real (cerca de 7 mil persoas), Chaves (4700 persoas) e Peso da Régua (2700 persoas) son responsables de cerca do 69% do emprego no total dos 14 concellos.