5.4.5.- Incorporación dos traballadores ás empresas
Neste apartado analizaranse as vías utilizadas para a contratación de traballadores nas empresas do sector Téxtil. Distinguirase entre os seguintes postos:
- Postos transversais:
- Dirección xeral e dirección funcional
- Mandos intermedios
- Persoal comercial
- Persoal administrativo
- Postos específicos do sector
Como se observa na figura 5.31, a metade das empresas manifestan que os Directores Xerais e Funcionais son os donos ou socios da empresa ou, no caso de que se trate de empresas familiares, algún parente do propietario.
Isto é algo moi lóxico se pensamos que a maioría das empresas son PYMES e que, en moitos casos, incorpóranse a fillos e a parentes achegados, xa que son os que, nun futuro, "herdarán" a empresa. Por outro lado, os socios o accionistas da empresa solen se-los responsables da empresa, polo que case sempre ocuparán os postos de Dirección Xeral ou de Direccións Funcionais.
A segunda vía de incorporación máis importante segundo as empresas é a vía dos contactos persoais. Algo máis dun 21% das empresas manifesta utilizar este procedemento para a contratación de Directores Xerais o Funcionais. Isto é debido a que, para postos de responsabilidade, que implican ter información importante e confidencial, acostúmase incorporar persoas achegadas e de confianza.