6.2.3.- Aspectos máis destacables da procura segundo as empresas analizadas
As duas táboas seguintes presentan os datos relativamente á procura de profesionais polas empresas do sector, destacadamente no que se refire á previsión de crecemento de persoas suxeitas ós diversos postos, a taxa de rotatividade e, tamén, a posibilidade de incorporación de traballadores españois (7).
_____________________________________________________________________________
(7) Para a interpretación destas táboas, clarifícanse os seguintes conceptos: Rotatividade: número de persoas que entran e saen da empresa. Nas táboas, 1 significa unha taxa de rotatividade moi reducida ou practicamente nula e 5 significa unha taxa de rotatividade elevada; Previsión: significa a previsión do número de traballadores para os próximos anos. Na escala presentada, 3 significa mante-lo número de traballadores, os números 2 e 4 significan unha lixeira diminución e un lixeiro aumento, respectivamente. Os números 1 e 5 significan unha gran diminución e un gran aumento, respectivamente; Posibilidade de incorporación: significa a posibilidade de incorporar traballadores españois para o referido posto. Nesta escala, 1 significa posibilidade moi reducida ou practicamente nula e o 5 unha elevada posibilidade. Na interpretación destas táboas, debe ter-se, aínda, en atención que as respostas baséanse na conxuntura actual das empresas e do sector. A lectura dos datos debe, tamén, ter por referencia a porcentaxe de empresas en que existe o referido posto, que está referida na táboa de perfiles.
Na análise das táboas relativas á oferta laboral, clarifícanse os seguintes conceptos: Cantidade: é a resposta á pregunta "¿Existe no mercado de traballo cantidade suficiente para satisface-las necesidades da empresa?". Na escala, 1 significa cantidade moi insuficiente e 5 cantidade longamente suficiente; Perfiles axeitados: é a resposta á pregunta "Os perfiles existentes no mercado de traballo ¿son axeitados?". Na escala, 1 significa que os perfiles son moi inaxeitados e 5 unha perfecta adecuación.