EURES

POSTOS XERAIS	BREVE DEFINICIÓN	EXISTE
Dirección Geral	O seu principal papel é o da definición das metas, establece-los criterios de actuación e orienta-la empresa para consegui-los mellores resultados desde o punto de vista económico e social	95.83%
Dirección Funcional	Coordinación e supervison dos procesos básicos da empresa, tendo responsabilidade sobre tódolos recursos da organización	56.00%
Comerciais	Detección de oportunidades de execución de obras e promove-las capacidades da empresa, coa finalidade de incrementa-lo negocio	72.00%
Administrativos	Actividade encargada de facilita-lo traballo do resto da organización. Destácase o servicio ó cliente, a organización dos documentos, etc	92.00%

Táboa 6.28.- Postos xerais / transversais analizados no sector téxtil nas empresas consultadas do Norte de Portugal

Contrariamente á xeneralidade dos sectores estudiados, a porcentaxe de empresas que posúe postos xerais é bastante elevada. Por exemplo, a área comercial existe no 72% das empresas analizadas. É un sector no que os responsables funcionais existen con maior frecuencia, en virtude de se tratar, en moitos casos de empresas con estructuras relativamente complexas.

POSTOS TÉCNICOS	BREVE DEFINICIÓN	EXISTE
Costureira/o	A súa actividade consiste en uni-las diferentes partes que constitúen a peza final. Require experiencia e coñecemento da tecnoloxía e dos materiais	81.80%
Operário de transporte	Actividade dedicada a clasificar, transportar e facer chegar ás máquinas utilizadas na Industria Téxtil e de Vestiario os materiais necesarios para o proceso.	78.30%
Responsable de Producción	É o responsable de coordinación das persoas e dos medios para conseguir executa-la planificación ó menor custo e coa calidade axeitada. Debe coñece-la tecnoloxía específica do sector e o comportamento dos materiais no proceso	76.00%
Técnico de Calidade	Actividade co obxectivo de defini-los requisitos necesarios para realiza-lo mellor producto e face-las inspeccións necesarias para garantir que non se entregan productos en malas condicións ós clientes. É o responsable de manter en orde o sistema de xestión da calidade da empresa. É imprescindible o coñecemento dos materiais e medios de producción	69.60%
Responsable de compras e materias primas	Actividade destinada a identificar e avalia-los fornecedores que mellor satisfagan as necesidades de manutención da empresa. É quen negocia os prezos, cualidades e cantidades a servir. Debe coñece-las características dos materiais	66.70%
Técnico de Manutención	É a actividade desenvolvida para conseguir mante-los medios técnicos e as instalaccións en perfecto estado de uso. Debe tamén implementa-las correccións necesarias durante a utilización dos mesmos. É necesario ter coñecemento específico da tecnoloxía téxtil	65.20%
Chefe de Grupo	É o soporte do responsable de producción, sendo, por tanto, quen executa as súas ordes. É importante que coñeza o comportamento dos materiais e como é procesado. Debe saber traballar nunha ampla gama de máquinas	65.20%
Técnico de corte	Persoa que corta os tecidos coa axuda dunha tesoura ou dun sistema de CAD/CAM.	62.90%
Operário de máquina	É a actividade propria da transformación das materias primas. É necesario coñece-la tecnoloxía e o comportamento dos materiais a utilizar	62.50%
Afinador	Actividade encargada de afina-las máquinas utilizadas no proceso de fabricación, de forma que obteñan o máximo de rendemento	58.30%
Técnico de tempos e métodos	Actividade co obxectivo de optimiza-lo proceso de producción e reduci-lo tempo gastado nesa producción.	39.10%
Modelista	Persoa que concibe e executa as probas a utilizar pola Industria de confección	31.80%
Revistador	Persoa que revisa as pezas na fase final, verificando a existencia de defectos	29.20%
Armazenista / Auxiliar de Armazém	É a persoa responsable da conservación e servicio dos materiais que se van utilizar no proceso	26.10%
Deseñador	Concepción e Desenvolvemento do Producto, que vai dar orixe á creación de moldes e á construcción de probas. Normalmente definen tecidos, cores e formas. Necesitan dun elevado coñecemento das tendencias de mercado e un coñecemento técnico da costura.	22.70%
Embalador	Persoa responsable da embalaxe dos productos finais, tal como van aparecer ó cliente	21.70%
Técnico de Laboratório	Persoa que fai en instalacións piloto o control de calidade dos artigos nas diferentes fases do seu procesamento (fiaxe, tecelaxe, tinturería, estampado, etc.), debe ter coñecemento dos procesos que son utilizados no seu procesamento.	13.00%
Tecelão	Operario responsable do acompañamento e verificación do funcionamento dos teares. Debe implementar accións correctivas simples.	13.00%

Táboa 6.29.- Postos técnicos analizados no sector téxtil nas empresas consultadas do Norte de Portugal

No que concerne ós postos técnicos, verificase unha existencia en gran parte das empresas (82%) da función de Costureiro. Operário de Transporte (78%), Técnico de Corte (63%), Responsable de Producción (76%), Técnico de Manutención (65%), Técnico de Calidade (70%), Responsable de Compras, Chefe de Grupo e Operário de Máquina son funcións existentes nunha porcentaxe elevada de empresas.

Tecelão, Revistador, Embalador, Técnico de Laboratório, Auxiliar de Armazén son funcións que poucas empresas estudiadas posúen.
_____________________________________________________________________________
(2) A definición presentada pretende a penas identificar dunha forma simple cada posto. Non se avanzou cara a definicións máis complexas, destacadamente ó nivel das tarefas específicas de cada función, posto que tal non é obxectivo deste estudio.