I- Condicións de Emprego e Lexislación Laboral
1.1 - Acesso ó Mercado Laboral
4
1.1.1. Emprego na Administración Pública ¿Como se accede ó emprego público? A Constitución española enuncia que o persoal da Administración se seleccionará seguindo os criterios de obxectividade, en función dos principios de igualdade, mérito e capacidade dos aspirantes e mediante convocatoria pública. Na selección do persoal hai que ter en conta especialmente a adecuación do sistema de selección ó contido dos postos de traballo, de xeito que se analizan os méritos e a experiencia dos aspirantes e a súa capacidade e idoneidade para o desenvolvemento das funcións públicas. Neste sentido, nos procedementos selectivos pódense incluír valoracións sobre as experiencias adquiridas e os coñecementos teóricos, probas médicas ou físicas, tests psicotécnicos ou profesionais, entrevistas, probas prácticas e, en xeral, outros instrumentos que axuden a determinar dunha maneira obxectiva os méritos, a capacidade e a idoneidade dos aspirantes en relación co contido dos postos de traballo que teñan que ocupar. No caso de carecer de titulación, o aspirante deberá realizar a proba correspondente dentro do proceso selectivo de oposición.