5
1.1.1. Emprego na Administración Pública
¿Quen pode ser persoal funcionario?
Para ser admitido nas probas de selección de persoal funcionario é necesario cumprir os seguintes requisitos:
Ter a cidadanía española, de acordo coas leis vixentes. Tamén poden presentarse os cidadáns e cidadás dos Estados membros da UE e os dos Estados que teñan tratados internacionais coa Unión Europea sobre a libre circulación de traballadores.
Ter cumpridos os 18 anos, ou ter a idade que a convocatoria estableza como mínima antes de que remate o prazo de presentación de instancias; non exceder a idade establecida como máxima para o ingreso.
Posuír a titulación suficiente, ou estar en condicións de obtela, na data en que remata o prazo de presentación de solicitudes.
Cumprir as condicións para exercer as funcións que dentro do corpo lle poidan ser encomendadas.
Non estar inhabilitado para o exercicio das funcións públicas nin estar separado, mediante expediente disciplinario, do servizo de calquera administración pública (é dicir, que fose funcionario e fose expulsado).