Os extranxeiros poden exerce-lo comercio en España con suxeción ás leis do seu país no referido a súa capacidade para contratar. Os estranxeiros poden exerce-lo comercio en Portugal con suxección ás leis do país de onde proveñan no que respecta a súa capacidade xurídica, se ben o negocio xurídico celebrado en Portugal por persoa que sexa incapaz no seu país non pode ser anulado con fundamento na súa incapacidade, no caso de que a lei portuguesa, se fose aplicable, considerase a esa persoa como capaz. En canto á creación de establecementos dentro do territorio español ou portugués, ás operacións mercantís e á xurisdicción dos Tribunais, aplícase a normativa española ou portuguesa, respectivamente. Todo o mencionado ata agora pode modificarse por convenios entre Estados.