I. Introducción
Territorio e poboación

Galicia abarca 29.575 km2, o 5,85% da extensión de España mentras que a Rexión Norte, con 21.278 km2, ocupa o 23,15% do territorio portugués. Sen embargo, dentro da Euro-rexión tanto a superficie como a poboación distribúense dunha forma semellante entre ambas zonas segundo o padrón de 1998.

Gráfico relativo á distribuição media de poboación.


Na Rexión Norte a densidade media de poboación é de 168,2 habitantes por kilómetro cadrado, mentras que en Galicia é de 92. En ámbalas zonas pódese apreciar un desequilibrio na distribución da poboación, sendo éste máis acusado na Rexión Norte de Portugal, de modo que se observa unha concentración moi alta na sub-rexión de Grande Porto (1457 hab/km2) e unha cintura de elevada densidade poboacional formada polas sub-rexións de Ave, Cávado, Tâmega i Entre Douro e Vouga, frente a zonas como Douro o Alto tralos Montes nas que se rexistra unha densidade de poboación moi baixa. En Galicia a poboación tampouco se atopa uniformente distribuida, xa que se observa unha maior concentración nas provincias de A Coruña e Pontevedra, que prácticamente triplican a densidade de Ourense e Lugo.

Gráfico relativo á densidade media de Poboación.

Con respecto á dispersión administrativa, esta é considerablemente superior na Comunidade Autónoma Galega que está composta por 314 concellos, tendo unha superficie media de 94 km2, mentras que na rexión Norte de Portugal o número de municipios é de 84, cunha superficie media de 253 km2.