A Formación Profesional Inicial, tamén chamada Formación Profesional de Base, está constituída polo conxunto de habilidades e coñecementos técnicos e científicos básicos que reciben todas/os as/os alumnas/os a través das materias optativas cursadas na Educación Secundaria Obrigatoria e no Bacharelato.
I.2.1.2. FORMACION PROFESIONAL ESPECIFICA.
A nova Formación Profesional está divida en Formación Profesional Específica de Grao Medio e Formación Profesional Específica de Grao Superior, comprendendo un conxunto de ciclos formativos que teñen unha duración entre 1300 e 2000 horas, divididas en módulos de formación teórico —práctica. A través desta Formación Profesional preténdese facilitar o acceso das/ os xóvenes á vida activa.
- FORMACIÓN PROFESIONAL ESPECÍFICA DE GRAO MEDIO
Para acceder ós Ciclos Formativos de Grao Medio hai dúas vías:
- De forma directa.
- Mediante unha proba.
- De forma directa:
Para acceder de forma directa é necesario cumprir algún dos seguintes requisitos:
- Posuir o título de Graduada/ o en Educación Secundaria Obrigatoria.
- Posuir o título de Técnica/ o Auxiliar.
- Posuir o Título de Técnica/o.
- Ter aprobado o 2° curso do Bacharelato Unificado Polivalente.
- Ter superado o 2° curso da Reforma das Ensinanzas Medias.
- Ter superados os tres cursos do Plan de 1963 das Ensinanzas de Artes. Aplicadas e Oficios Artísticos.
- Ter superados outros estudios declarados equivalentes para efectos académicos con algún dos anteriores.
- Acceso mediante unha proba:
Tamén poderán acceder ós Ciclos Formativos de Grao Medio, aquelas persoas que sexan maiores de 18 anos, ou os cumpran no ano en que realicen a proba, mediante a realización e superación dunha proba de acceso. Para estes casos resérvase o 20% das prazas. Tamén poden acceder mediante a realización desta proba, aquelas persoas que non teñan a idade pero que estean nalgún destes casos:
- Poidan acreditar alomenos 1 ano de experiencia laboral ou de inscrición como demandante de emprego.
- Teñan superado un Programa de Garantía Social.
- Teñan esgotadas as posibilidades de escolarización na Educación Secundaria Obrigatoria.
Ó rematar os estudios de Formación Profesional Específica de Grao Medio obtense o título de Técnica/ o na profesión correspondente ó ciclo cursado. Unha vez obtido este título poden proseguir os estudios accedendo ó Bacharelato mediante as convalidacións oportunas. Dentro do marco da L.O.X.S.E. non se contempla o acceso á Formación Profesional Específica de Grao Superior dende a de Grao Medio, salvo a través dunha proba e tendo cumpridos os 18 anos a un Grao Superior da mesma familia profesional na que se cursou o Grao Medio.
- FORMACIÓN PROFESIONAL ESPECÍFICA DE GRAO SUPERIOR.
Ó igual que na Formación Profesional Específica de Grao Medio para acceder á Formación Profesional Específica de Grao Superior pódense seguir dúas vías:
- Acceso directo.
- Realización dunha proba.
- Acceso directo:
Pódese acceder de modo directo, cumprindo algunha das seguintes condicións:
- Posuír o título de Bacharel.
- Ter superado o segundo ciclo da Reforma das Ensinanzas Medias.
- Ter superado o Curso de Orientación Universitaria ou Preuniversitario.
- Estar en posesión do Título de Técnico Especialista, Técnico Superior ou equivalente a efectos académicos.
- Estar en posesión dunha titulación universitaria ou equivalente.
- Acceso mediante proba:
Tamén poden acceder mediante a realización dunha proba as persoas que non reúnan os requisitos académicos e teñan cumpridos os 20 anos no momento ou no ano de realización da proba. No caso de posuír o Título de Técnica/o, pódese acceder mediante unha proba ó Ciclo Superior da mesma familia profesional, cumprindo o requisito de idade de 18 anos.
Unha vez rematados os estudios de Formación Profesional Específica de Grao Superior obtense o título de Técnica/o Superior na profesión correspondente ó ciclo cursado. Con este título as/os estudiantes teñen a posibilidade de acceder ó Sistema Universitario, cursando estudios relacionados coa especialidade realizada, tendo cada ciclo formativo unha correspondencia con carreiras universitarias ás que se pode acceder de modo directo.
* Para obter máis información sobre a Formación Profesional Específica en Galicia, pódese consultar a seguinte páxina web: