Caso 2.

Alexandra comezou os seus estudios de Técnico de Informática na Escola Profesional de Braga e decide ir a vivir a Ourense (Galicia) e continuar alí os seus estudios. Alexandra ten que solicitar a convalidación dos mesmos polos correspondentes en España, para así poder proseguir os seus estudios en Galicia. ¿Que ten que facer?

Para solicitar a convalidación Alexandra pode dirixirse a un dos seguintes Organismos:

• Subdelegación do Goberno de Ourense, onde vai a fixar a súa residencia, ou
• Subdirección Xeral de Títulos, Convalidacións do Ministerio de Educación e Cultura.

No Organismo ó que acuda Alexandra debe presentar a seguinte documentación:

• Solicitude oficial.
• Certificación acreditativa da nacionalidade da solicitante expedida polas autoridades competentes do seu país.
• Certificación acreditativa dos cursos realizados, na que consten as asignaturas cursadas, as calificacións obtidas e os anos académicos nos que se realizaron os cursos respectivos.

Todos estes documentos irán legalizados por vía diplomática e acompañados pola súa correspondente traducción oficial ó español*.

* A traducción poderase facer:

• Por calqueira Representación Diplomática ou Consular do Estado Español en Portugal.
• Pola Representación Diplomática ou Consular en España de Portugal.
• Por traductor xurado, debidamente autorizado ou inscrito en España.

Unha vez presentada toda a documentación será estudiado o expediente, e no caso de que haxa algunha irregularidade ou falte algunha documentación, seralle comunicado a Alexandra, para que no prazo de dez días poida entregar a documentación que falte ou amañar o erro.

Ó facer a solicitude de convalidación de estudios, a Alexandra daránlle o dereito á inscrición condicional para o curso seguinte a aquel ó que se refire a convalidación.

Así, a Alexandra entregaránlle un volante selado (Ver Anexo IV) que lle permitirá proseguir os seus estudios de forma condicional ata que se resolva o seu expediente.

Esta inscrición pasa de ser condicional a definitiva cando o expediente é resolto nos termos que se solicitaba, resolución que se fará como máximo no prazo dun mes. De non ser resolto favorablemente, a inscrición condicional queda sen efectos, así como os exames realizados como consecuencia de dita inscrición condicional.

Se o expediente se resolve favorablemente Alexandra poderá seguir os seus estudios en Ourense nas mesmas condicións que as/os alumnas/os do Sistema Educativo Español.