Caso 1.

Xoan, que posúe o título de formación profesional específica de grao medio en Cociña, exerce a actividade de cociñeiro nun hotel en Pontevedra. Sen embargo, Xoan pretende pasar a exercer a súa profesión nun hotel da cidade do Porto sendo necesario, para tal, obter o recoñecemento da súa cualificación profesional por parte das autoridades competentes en Portugal. ¿Qué facer?

Sendo cociñeiro, a profesión de Xoan atópase regulamentada pola Directiva 92/51/CEE de 18 de xuño de 1992, relativa a un segundo sistema xeral de recoñecemento de formacións profesionais. Esta directiva foi transposta á orde xurídica interna mediante o Dec.-Lei nº 242/96 de 18 de decembro. Para acceder á profesión, Xoan deberá presentar unha solicitude escrita en portugués en que se fagan constar os seguintes elementos:

• Nome completo, nacionalidade, data de nacemento, Estado de orixe e domicilio en Portugal;
• Indicación da profesión que pretende exercer;
• Mención dos certificados, diplomas e outros títulos que posúe, do Estado-membro que os concedeu, así coma, se se xustificar, daquele que os recoñeceu, e mailas respectivas datas.
• Xunto á solicitude, deberan entregarse os seguintes documentos:
• Fotocopia simple do documento oficial de identificación, cando poida ser visto in situ pelo funcionario portugués, ou fotocópia validada, no caso contrario;
• Copia validada dos certificados, diplomas e outros títulos obtidos, no caso de que non sexa enviados os documentos orixinais ou estes non poidan ser confrontados presencialmente;
• Copia validada do documento, emitido polo Estado-membro de orixe, en que se faga constar que o solicitante posúe tódalas condicións esixidas por ese Estado-membro para desenvolver alí a mesma profesión;
• Proba de idoneidade, cando sexa requirida;
• Pagamento das taxas e gastos dos trámites.

Poderase esixir a traducción dos referidos documentos, efectudada por un notario ou validada por un funcionario consular ou diplomático, en caso de xustificada necesidade. Ademais disto, no caso de que o ciclo de Juan non sexa coñecido en Portugal, a avaliación da solicitude de recoñecemento pasará pola análise do número de horas, das materias de que consta o plano de estudios e, en determinados casos, do contido programático.

A solicitude e toda a documentación anexa deben enviarse a:

MINISTÉRIO DA ECONOMIA-INSTITUTO NACIONAL DE FORMAÇÃO TURÍSTICA

Av. Eng.º Arantes Oliveira, 7-1900 Lisboa

Tel.: +351 21 84 23 300