O concepto “zona transfronteiriza” Galicia-Norte de Portugal non é un concepto ríxido, sobre todo desde que existen vías de acceso que acurtan os tempos de desprazamento entre ambas rexións. Si que está definido o concepto de Euro-Rexión Galicia-Norte de Portugal, que abrangue as catro provincias galegas (A Coruña, Lugo, Ourense e Pontevedra) e a Região do Norte portuguesa, que está formada polos distritos de Braga, Viana do Castelo, Bragança, Vila Real e Porto.

Neste estudio deixáronse fóra da análise as provincias da Coruña e Lugo e o distrito de Porto, analizándose empresas do resto das provincias e distritos, que son as que se atopan máis próximas á fronteira.

Para levar a cabo a análise do entorno empresarial partíuse da base de datos de empresas transfronteirizas do EURES. Esta base de datos inclúe un total de 30.093 empresas distribuídas do seguinte modo:

REXIÓN	NÚMERO DE EMPRESAS
Galicia	1.816
Norte de Portugal	28.277


• Como se pode observar na anterior táboa, a base de datos presenta un certo desequilibrio, cubrindo con moita maior profundidade ás empresas portuguesas. Do lado galego a base de datos recolle fundamentalmente as empresas de maior dimensión, se ben, non existe un criterio que defina exactamente o tipo de empresas incluídas.
  
  En calquer caso, como punto de partida analizouse esta base de datos para coñece-lo peso relativo de cada un dos sectores nas provincias e distritos incluídos na análise .
  
  Para a delimitación dos sectores analizáronse os códigos de actividade SIC o CNAE, definíndose unha táboa de correspondencias códigos de actividade – sector.
  
  A seguinte táboa recolle, para cada un dos sectores, a distribución do número de empresas en cada unha das zonas xeográficas, en porcentaxe e en valor absoluto. Se inclúe tamén o dato comparativo da distribución das empresas totais en cada zona, de forma que non soamente se vexa a distribución xeográfica do sector da Euro-rexión, senón o peso relativo do sector no conxunto das empresas.
  

Se, como xa se comentou, excluímos do universo obxecto de estudio o distrito de Porto, as empresas distribúense como se observa na seguinte táboa.