Debido ó desequilibrio existente en número de empresas entre Galicia e Norte de Portugal, optouse por utiliza-lo directorio ARDAN das 10.000 primeiras empresas galegas, editado polo Consorcio da Zona Franca de Vigo, como base de referencia para o deseño da mostra nas rexións galegas. En calquer caso, seguíronse os mesmos criterios de agrupación SIC / CNAE en ambos casos. No caso portugués, e para os sectores Turismo e Novas Tecnoloxías, a mostra foi deseñada tendo en conta a Base de Datos de Techminho e a GuiaNet (Base de Datos de Empresas Portuguesas en Internet).
Posto que o presente estudio non procura obter niveis de representatividade estatística por sectores, senón recolle-la mellor información posible partindo da análise de 300 empresas, considerouse que a clave non está na aleatoriedade da mostra, senón nunha boa selección de empresas que cubran as distintas actividades que se desenvolven en cada un dos sectores. Ademais, o desequilibrio no número de empresas existentes por sectores, desfavorece a sectores como o de Tecnoloxías da Información; a súa importancia á hora de xerar emprego nestes intres é enorme, o cal xustifica más aínda a sobre – mostraxe realizada.

Así, o reparto da mostra formulouse de forma que cumplise os seguintes criterios:

- PRIMEIRO CRITERIO: Darlle o mesmo peso a cada un dos seis sectores, con independencia do número de empresas que conforman o universo de partida. Así a mostra final habería de incluír 50 empresas de cada sector, repartidas a ambos lados da fronteira, esto é, 25 no sur de Galicia e 25 no norte de Portugal.
- SEGUNDO CRITERIO: Realizar un reparto da mostra a nivel xeográfico proporcionalmente ó número de empresas. Dado que se pretendía obter finalmente 25 mostras de empresas en cada un dos 6 sectores, tanto para Galicia como para Portugal, a distribución porcentual e xeográfica habería de estar referida ó número de empresas de cada sector e rexión, tal como se amosa nas seguinte táboa.

- TERCEIRO CRITERIO: A selección das empresas en cada unha das zonas habería de realizarse seguindo un criterio de dimensión (medido pola facturación) e tipo de actividade (segundo a clasificación SIC). Desta forma, dentro de cada sector fíxose unha selección directa de empresas que cumplise dous requisitos:
- Ter unha dimensión suficiente como para poder aportar información sobre os diferentes postos.
- Cubri-las distintas actividades empresariais que poden darse dentro de cada sector.
Debemos indicar que se eliminaron da mostra as empresas de comercio ó detalle, existentes en maior número nas base de datos de empresas portuguesas, por recoller empresas de menor dimensión que as galegas. Se considera que o comercio ó detalle, pode cubrirse de forma transversal, sen requirir un enfoque sectorial. En calquer caso, é importante destacar que algunhas das empresas analizadas teñen actividade de venta ó detalle, polo que o estudio tamén recollerá as funcións relacionadas con esta actividade.

Con arranxo a estes tres criterios, elaborouse unha lista de empresas que se consideraron axeitadas para o estudio e que abrangue as distintas actividades de cada sector. Elaborouse ademais unha lista de empresas “reserva” á que se recurrise cando as empresas da lista inicial non colaboraron.

No apartado correspondente ó traballo de campo indícase a mostra obtida finalmente por sectores e zonas xeográficas.