3.1.4.- Educación e Formación

Nas últimas décadas produciuse en Galicia un avance experimentado no nivel de instrucción dos habitantes, que permitiu ir reducindo as fortes diferencias que existían entre as distintas xeracións e entre homes e mulleres.

Segundo datos do Instituto Nacional de Estatística, gracias á extensión do ensino obrigatorio ata os estudios de segundo grado e á plena integración das mulleres ó proceso educativo, podería dicirse que a escolarización en España ata a idade de 16 anos está practicamente conseguida, xa que as taxas de escolaridade aproxímanse ó 100%.

Pero é nas idades seguintes, que corresponden a niveis de estudios non obrigatorios en 1991, onde se producen as principais diferencias en función da comunidade autónoma de residencia e é precisamente na escolarización nestas idades onde Galicia presenta unha situación de vantaxe relativa.

No tramo de idade de 15 a 19 anos, a proporción de poboación galega que continúa estudiando é do 73,1%, o que supón unha das taxas máis altas de España, case 5 puntos por encima da media nacional. Así mesmo, a proporción de escolaridade entre os mozos de 20 a 24 anos é máis de 2 puntos superior á media do país e soamente cinco rexións españolas tiñan unhas taxas de escolarización nesas idades maiores que a poboación galega: Comunidade de Madrid, País Vasco, Castela e León, Asturias e Navarra.

O trazo común ós estudios superiores en tódalas rexións españolas, e na maior parte das europeas, en canto ás diferencias entre as taxas de escolarización femininas e masculinas, a favor das primeiras, tamén se observa entre a poboación de Galicia e de forma máis acusada, incluso, que no conxunto nacional.

A continuación preséntase unha Táboa co número de alumnos matriculados na Universidade de Vigo, que está formada polo Campus de Vigo, Campus de Ourense e Campus de Pontevedra, durante o curso 1998-1999, nela pódense ve-lo número de alumnos matriculados en cada unha das carreiras impartidas nesta Universidade.

Na seguinte táboa pódese observa-la progresión de alumnos matriculados na Universidade de Vigo, nos distintos campus desde o ano 1995 a 1999, que como se ve foi aumentando ata unha cifra próxima ás 5.000 persoas.