EURES

POSTOS TÉCNICOS	BREVE DEFINICIÓN	EXISTE
Operário de máquinas	É a persoa que se encarga da preparación e manipulación das máquinas utilizadas para o proceso da madeira	67.90%
Operário indiferenciado	Actividade de apoio á producción, normalmente desenvolvida por persoas en inicio de actividade, sen experiencia e con pouca formación	57.30%
Operário de transporte	Esta actividade consiste en clasificar, preparar e facer chega-los materiais ós postos de traballo en función do fluxo do proceso e das ordes de producción	50.00%
Carpinteiro	É o ofício por excelencia do sector. A carpintería está máis relacionada coa talla e acabamentos, así pois, o carpinteiro é o que traballa a madeira de forma básica para a súa utilización directa	50.00%
Chefe Intermedio	É responsable de dirixir e coordinar as persoas que están baixo o seu mando. Tamén é responsable de consegui-la mellor utilización dos medios materiais e técnicos que se lle encomendan para o desenvolvemento da súa actividade.	35.70%
Técnico de Manutención	A súa actividade consiste en mante-los medios técnicos en perfecto estado para garanti-la productividade dos mesmos	32.10%
Operário / montador	Persoa que axuda ó montador ou operador de máquina para que faga o seu traballo. O montador é o que se dedica a monta-las distintas partes que compoñen o producto final que se vai entregar ó cliente. Tamén se define deste modo a actividade de colocar en obra (sobre todo construcción) os productos construídos nas fábricas, sexan portas, xanelas, solos, etc...	29.60%
Técnico de Producción	É o responsable de ter dispoñibles os medios tecnolóxicos en relación ó proceso de fabricación. Esta función pódese definir como o responsable de producción ou responsable do proceso de fabricación	28.60%
Serrador	Actividade relacionada con Cortador, mais utilizando, por exemplo, outros equipamentos de corte como, por exemplo, a motoserra	28.50%
Pintor / Envernizador	Consiste en cobri-las superficies de madeira con algún elemento líquido. Pode ser tratado manualmente ou de forma automática. É necesario coñece-las características das superfícies a cobrir e os comportamentos dos materiais	25.00%
Planificador de Producción	Consiste en coordinar a utilización dos recursos dispoñibles para a fabricación de tal modo que se consiga atender ós pedidos no momento axeitado, na cantidade correcta e no destino correcto. Do seu traballo dependen en gran medida os resultados da empresa en relación ós prazos de entrega e custos	25.00%
Deseñador / Projectista	Actividade que consiste en desenvolver e defini-lo producto final que se vai comercializar	21.40%
Técnico de Corte	Esta actividade consiste en procurar a mellor forma de corta-la madeira, de tal forma que se consiga o máximo de rendemento da mesma. O técnico de corte debe ser unha persoa coñecedora das máquinas de corte, así como das características da materia prima que utiliza	21.40%
Técnico de Calidade	É o responsable de facer inspeccións necesarias para garantir que o producto entregado ó cliente foi fabricado de acordo coas especificacións do mesmo. Tamén é responsable de manter en orde a documentación relativa ó sistema de calidade da empresa	17.90%
Desenvolvimento informático	É unha actividade dedicada a desenvolve-los procesos de información necesarios ó desenvolvemento da actividade	14.30%
Técnico de Deseño / Projecto	É a actividade encargada de delinear e defini-la mellor forma de levar a cabo a execución do producto ou servicio que o deseñador definiu. Dependendo da dimensión da empresa pode desempeña-la tarefa de deseñador	10.70%
Limador	Consiste na limaxe das pezas preparándoas para a fase final do proceso de fabricación	10.70%
Técnico Florestal	É a persoa que mellor coñece as características da madeira, sobre todo nos aspectos relacionados cos usos que se poden dar e o comportamento futuro que se pode esperar	7.10%
Clasificador	Ocupación dedicada a clasifica-los materiais, tanto sen transformar como transformados, para a súa utilización no proceso.	7.10%
Colador	Consiste na colaxe das diversas pezas separadas de forma que produzan un producto final (por exemplo, un moble)	7.10%
Tractorista	Persoa responsable do transporte de madeiras	7.10%

Táboa 6.13.- Postos técnicos analizados no sector das Madeiras nas empresas consultadas do Norte de Portugal

No que concerne ós postos técnicos ou específicos do sector das madeiras, verifícanse grandes diferencias en termos do peso dos diversos perfiles nas diversas empresas analizadas. Deste modo, Operário de Máquinas, Operário de Transporte e Carpinteiro son os perfiles que máis empresas posúen (68%, 50% e 50%, respectivamente).

Os postos menos expresivos son Técnico Florestal, Colador e Clasificador (7,1%). É de rexistrar, aínda, a elevada porcentaxe de empresas que posúen operários indiferenciados (57,3%), que son normalmente os aprendices, sen calquera cualificación profesional, o que apunta para algún déficit de persoal cualificado nas empresas do sector das madeiras.