6.2.6.- Análise da mobilidade laboral na rexión transfronteiriza
Tendo en conta que este estudio pretende analiza-las necesidades das empresas e a posibilidade de incorporación de traballadores fronteirizos, a análise de eventuais obstáculos á mobilidade de traballadores dun para o outro lado da fronteira tórnase indispensable. Por outro lado, verificouse neste e noutros estudios que a existencia de traballadores españois nas empresas portuguesas é moi reducido.
Segundo as empresas do sector da madeira analizadas neste estudio, os principais obstáculos á contratación de traballadores españois son as "diferencias salariais" e a "falta de instrumentos de achegamento entre a oferta e a demanda (centros de emprego, etc...)". O idioma e as diferencias culturais non constitúen, segundo as empresas, factores que dificulten a mobilidade de traballadores, así como as dificuldades legais e administrativas tampouco presentan un nivel elevado de dificultade.
A necesidade de desprazamentos diarios ou aloxamento prolongado, ben como o descoñecemento dos perfiles profesionais doutro país son, tamém, obstáculos significativos presentados polas empresas.
