Tendo en conta que este estudio pretende analiza-las necesidades das empresas e a posibilidade de incorporación de traballadores fronteirizos, a análise de eventuais obstáculos á mobilidade de traballadores dun para o outro lado da fronteira tórnase indispensable. Por outro lado, verificouse neste e noutros estudios que o número de traballadores españois nas empresas portuguesas é moi reducido.

As diferencias salariais son o principal obstáculo para a contratación de traballadores do país veciño, seguido logo de dificultades legais e administrativas na contratación e de dificultades derivadas da necesidade de aloxamento prolongado.

Curiosamente, as diferencias culturais son presentadas como un factor bastante impeditivo para a contratación de traballadores españois.