SISTEMA FISCAL

IMPOSTO SOBRE O RENDEMENTO: IRS E IRPF

DIFERENTES SITUACIONS NAS QUE SE PODE ATOPAR UN TRABALLADOR FRONTEIRIZO

I - TRABALLADORES POR CONTA ALLEA - CASO PRATICO 1

TRANSFRONTEIRIZO PURO CON RESIDENCIA HABITUAL EN GALICIA

TRANSFRONTEIRIZO PURO CON RESIDENCIA HABITUAL EN VALENÇA


CASO PRACTICO 1: TRANSFRONTEIRIZO PURO CON RESIDENCIA HABITUAL EN GALICIA

Don X é un traballador fronteirizo español, que traballa por conta allea nunha empresa privada portuguesa, con sede en Valença. Esta persoa ten a súa residencia habitual en Galicia, onde ten a súa casa, e regresa a ela tódolos días. Está casado e ten dous fillos que dependen del e que viven en Galicia.

CUESTIONS

a) ¿ A efectos fiscais onde é considerado residente?

    En España.

    De acordo coa lexislación española, Don X é considerado residente en España por permanecer durante máis de 183 días, durante un ano natural, en territorio español. O feito do desprazamento por razón de emprego a un territorio veciño para retornar diariamente á vivenda habitual non desvirtúa a consideración dos traballadores como residentes en territorio español.

    De acordo coa lexislación portuguesa, Don X non é considerado residente en Portugal, a efectos fiscais, na medida en que non permanece en territorio portugués máis de 183 dias, seguidos ou intercalados, no ano civíl, e non dispón en Portugal dunha habitación permanente.

b) ¿A efectos do imposto sobre o rendemento en que país tributan os rendementos obtidos en Portugal?

    Tributan únicamente en España.

    De acordo co artigo 15º do Convenio para evita-la Dobre Tributación e Preveni-la Evasión Fiscal en materia do Imposto sobre o Rendemento (CDT), os rendementos obtidos en Portugal tributan en España (réxime dos traballadores fronteirizos) conxuntamente cos restantes rendementos obtidos neste último país.

c) ¿A entidade patronal que paga os rendementos debe proceder á retención na fonte sobre aqueles?

    Non.

d) ¿É necesario que o traballador presente algún documento?

    Si. Debe presentar á entidade pagadora dos rendementos un certificado de residencia fiscal emitido polas autoridades fiscais españolas correspondentes ó lugar de residencia.

    No certificado debe constar que o contribuínte é residente no sentido definido no CDT. O certificado solicitarase ante a Administración da Axencia Estatal da Administración Tributaria que corresponda ó domicilio fiscal do traballador mediante o modelo 01 (ver Anexo I). O certificado é válido durante o ano da súa emisión.

e) ¿É necesario que a entidade pagadora dos rendementos presente algún documento?

    A entidade pagadora dos rendementos deberá presentar ó traballador, ata o 20 de Xaneiro de cada ano, un documento acreditativo dos rendementos percibidos no ano

    anterior e o imposto retido na fonte, no caso de que eventualmente se lle houbese practicado retención algunha.

    Tamén se terá que entrega-la declaración do Modelo 130, ata o 31 de Maio de cada ano, relativa a rendementos pagados a non residentes no ano anterior, independentemente de que se fixeran retencións na fonte, xunto cos certificados de residencia fiscal en calquer oficina de Facenda. Ver anexo II.

f) No caso de que se retivera o imposto indebidamente, ¿cómo se procedería?

    Se se retivo indebidamente o imposto, Don X poderá ser reembolsado mediante a presentación dunha reclamación segundo o disposto no Código do Procedimento e do Proceso Tributario ou a través do procedemento amigable previsto na CDT (que poderá ser impulsado ante as autoridades fiscais da area de residencia do beneficiario unha vez esgotadas o resto das vías sen obte-la devolución).

g) ¿A residencia fiscal e a tributación serían iguais no suposto de que Don X fora solteiro e non tivera fillos?

    Si. En Portugal e en España o feito de que Don X non estea casado e non teña fillos en nada altera as anteriores respostas.

h) ¿A residencia fiscal e a tributación serían as mesmas no suposto de que Don X tivera casa en Portugal, onde xantara e incluso pernoctara algunhas veces, utizandoa tamén os fins de semana e festivos?

Si, sempre que o centro de intereses vitais e económicos, tales como a conta bancaria, as relacións sociais e familiares, as actividades políticas e culturais, o local onde administrara os seus bens se atopara en España.

 

 

 

 


CASO PRACTICO 1 BIS: TRANSFRONTEIRIZO PURO CON RESIDENCIA HABITUAL EN VALENÇA

Don X é un traballador fronteirizo portugués, que traballa por conta allea nunha empresa privada española, con sede en Tui. Esta persoa ten a súa residencia habitual en Valença, onde ten a súa casa a cal regresa tódolos días. Está casado e ten dous fillos dependentes que viven en Valença.

CUESTIONS

a) ¿A efectos fiscais onde é considerado residente?

    En Portugal.

    De acordo coa lexislación portuguesa, Don X é considerado residente en Portugal a efectos fiscais, na medida en que permanece neste estado máis de 183 días, seguidos ou intercalados, durante o ano civil, tendo ademáis aloxamento onde reside.

    Da mesma maneira sería considerado residente fiscal en España posto que neste territorio atópase o núcleo dos seus intereses económicos.

    Polo tanto, a definición de residencia fiscal deberá ser interpretada á luz do CDT. De acordo co artigo 4º do referido Convenio Don X é considerado residente en Portugal, xa que ahí ten un aloxamento permanente.

b) ¿A efectos do imposto sobre o rendemento en que país tributan os rendementos obtidos en España?.

    Tributan únicamente en Portugal.

    De acordo co artigo 15º da CDT, os rendementos obtidos en España soamente tributan en Portugal (réxime dos traballadores fronteirizos) xunto cos restantes rendementos ahí obtidos.

c) ¿A entidade patronal que paga os rendementos debe proceder á retención na fonte sobre aqueles?

    Non.

d) ¿É necesario que o traballador presente algún documento?

    Si. Debe presentar á entidade pagadora dos rendementos un certificado de residencia fiscal emitido polas autoridades fiscais portuguesas correspondentes ó lugar onde reside.

    No certificado debe constar que o contribuínte é residente segundo o definido no CDT. O certificado de residencia fiscal deberá ser adquirido en calquer Tesorería da Facenda Pública (ver Modelo — Anexo III) e autenticado en calquer Oficina de Facenda. Terá unha validez dun ano desde a data da súa expedición.

e) ¿É necesario que a entidade pagadora dos rendementos presente algún documento?

    A entidade pagadora do rendemento deberá presentar ó traballador un certificado do rendemento percibido e das retencións practicadas, no caso de que eventualmente se lle houbese practicado algunha.

    A entidade pagadora do rendemento deberá presentar unha declaración negativa de retencións mediante o modelo 216 (ver anexo IV) adxuntando o orixinal do certificado de residencia en Portugal aportado polo Don X.

f) ¿Se o imposto fora retido indebidamente como se procedería?

    Se o pagador efectuou indebidamente retención a conta do Imposto poderá solicita-la aplicación do CDT e a devolución conseguinte dentro do prazo de dous anos contado desde a data de ingreso da retención polo pagador. A solicitude de devolución realizarase mediante a presentación polo traballador do modelo 210 (ver anexo V).

    No caso de non obte-la devolución por esa vía podería acudirse ó procedemento amigable previsto na CDT, acudindo á Delegación de Facenda correspondente.

g) ¿A residencia fiscal e a tributación serían iguais no suposto de que Don X fose solteiro e non tivera fillos?

    Si. En Portugal e en España, o feito de que Don X non esté casado e non teña fillos en nada altera as respostas.

h) ¿A residencia fiscal e a tributación serían as mesmas no suposto de que Don X tivera unha casa en España, onde xantara e pernoctara algunhas veces nela, utizandoa tamén nos fins de semana e festivos?

Si, sempre que o centro de intereses vitais e económicos, tales como a conta bancaria, as relacións sociais e familiares, as actividades políticas e culturais, o local onde administra os seus bens se atopara en Portugal.