2.1.8. PRESTACIONS POR DESEMPREGO

SUBSÍDIO SOCIAL DE DESEMPREGO

Na lexislación portuguesa ademáis da prestación a título de subsidio de desemprego, existe o subsidio social de desemprego, a que teñen dereito os traballadores en determinadas situacións, en función dos seus niveis de rendimentos e da súa situación familiar.

En función disto imos resolve-los seguintes casos:

CASO PRÁTICO 4
Don xxx é un traballador fronteirizo portugués que reside en Portugal coa súa familia e traballa por conta allea nunha empresa española localizada en Vigo. Este traballador está afiliado no sistema da Seguridade Social española.
Posteriormente ó traballador se lle extingue a súa relación laboral, quedando nunha situación de desemprego total pero non ten dereito ó subsidio de desemprego por non ter cuberto o prazo de garantía (rexistro mínimo de contribucións).

CASO PRACTICO 5
Don xxx é un traballador fronteirizo portugués que reside en Portugal coa súa familia e traballa por conta allea nunha empresa española localizada en Vigo. Este traballador está inscrito na Seguridade Social española.
Posteriormente, ó traballador se lle extingue a súa relación laboral, quedando nunha situación de desemprego total.
Percibiu o subsidio de desemprego e agora se lle terminou o periodo de disfrute do mesmo.

---

CASO PRÁTICO 4

Don xxx é un traballador fronteirizo portugués que reside en Portugal coa súa familia e traballa por conta allea nunha empresa española localizada en Vigo. Este traballador está afiliado no sistema da Seguridade Social española.

Posteriormente ó traballador se lle extingue a súa relación laboral, quedando nunha situación de desemprego total pero non ten dereito ó subsidio de desemprego por non ter cuberto o prazo de garantía (rexistro mínimo de contribucións).

a) ¿Ten dereito ó subsidio social de desemprego?

Fundamentación xurídica: Art. 71.1.a),ii) do Regulamento CEE n.º 1408/71

O traballador terá dereito ás prestacións de desemprego conforme o disposto na lexislación portuguesa, que determina que a protección a través do subsidio social de desemprego ten lugar nas situacións nas que non sexa recoñecido o subsidio de desemprego.

b) Se a resposta é afirmativa, especificar cales son os requisitos que se teñen que cumprir e cal é a cuantía á que ten dereito..

A institución que abona a prestación é o Centro Rexional de Seguridade Social portuguesa do lugar de residencia do traballador, unha vez que se verifiquen os seguintes requisitos:

1. O traballador tiña que estar vinculado por un contrato de traballo, ainda que estivese suxeito a lexislación especial;
2. O beneficiario debe atoparse en situación de desemprego involuntario, con capacidade e dispoñibilidade para o traballo e, inscrito, como candidato a emprego, no centro de emprego da área de residencia;
3. O prazo de garantía para a atribución do subsidio de desemprego é de 180 días de traballo por conta allea, co correspondente rexistro de remuneracións nun período de 12 meses inmediatamente anterior á data do desemprego;
4. Os rendementos mensuais per capita do conxunto familiar non poden ser superiores ó 80% do valor da remuneración mínima establecida por lei; Considérase que integra o conxunto familiar do beneficiario, ademáis deste, o cónxuxe, os descendentes ou equiparados, os ascendentes ou equiparados e os afíns, sempre que con el convivan e se atopen baixo a súa dependencia económica.

A institución terá en conta os períodos de contribucións cumpridos en España como se se efectuaran en Portugal, presentándose ó efecto o formulario E-301.

Non se recoñece o dereito ás prestacións de desemprego ós beneficiarios que, na data do desemprego, teñan a idade legal de aceso á pensión de xubilación, sempre que se teña cumprido o respectivo prazo de garantía.

A cuantía diaria do subsidio social de desemprego é imputado ó valor da remuneración mínima mensual garantizada á xeneralidade dos traballadores e calculada sobre a base de 30 días no mes, nos seguintes términos:

1. 100% para os beneficiarios con familia;
2. 80% para os beneficiarios sen familia.

Sempre que pola aplicación das porcentaxes, o subsidio social de desemprego teña um valor superior á remuneración de referencia, será o mesmo reducido ó montante desta remuneración.

A remuneración de referencia corresponde á remuneración media diaria definida por R/180, en que R representa o total das remuneracións rexistradas nos primeiros 6 meses civís que preceden ó 2º mes anterior á data do desemprego.

Durante o periodo de concesión do subsidio social de desemprego, o seu montante será adaptado ás alteracións relativas da súa situación familiar.

Os periodos de concesión do subsidio de desemprego son os seguintes:

1. 12 meses para os beneficiarios con idade inferior a 30 anos;
2. 18 meses para os beneficiarios con idade igual ou superior a 30 anos e inferior a 40 anos;
3. 24 meses para os beneficiarios con idade igual ou superior a 40 anos e inferior a 45 anos;
4. 30 meses para os beneficiarios con idade igual ou superior a 45 anos.

Ós beneficiarios que na data da solicitude teñan unha idade igual ou superior a 45 anos se lles aumenta en 2 meses por cada grupo de 5 anos con rexistro de remuneracións no ambito do réxime xeral, nos últimos 20 anos civís que preceden ó do desemprego.

c) ¿Onde debe solicita-lo subsidio?

A atribución das prestacións de desemprego depende da presentación da solicitude ó CRSS do lugar de residencia do traballador, no prazo de 90 días consecutivos a contar desde a data do desemprego utilizando o modelo nacional (anexo 34), xunto cos seguintes documentos.

• Declaración da empresa, en modelo aprobado polo Ministerio de Traballo e Solidariedade, na que se acredite a situación de desemprego e a data da última remuneración.
• Declaración do centro de emprego da área de residencia do beneficiario, na que se acredite a capacidade e a disponibilidade do beneficiario para o traballo, se ben a presentación da solicitude debe ir precedida da inscripción do traballador como demandante de emprego no referido centro.

Deberá tamén presentar un certificado que mencione os periodos de seguro ou de emprego cumpridos baixo a lexislación española á que estivo suxeito, presentando o formulario E-301.

Para o recoñecemento do subsidio social de desemprego fan proba das respectivas condicións:

• Declaración da composición do núcleo familiar;
• Documentos fiscais, copias dos recibos das remuneracións obtidas ou outros medios que acrediten os rendementos do núcleo familiar.

---

CASO PRACTICO 5

Don xxx é un traballador fronteirizo portugués que reside en Portugal coa súa familia e traballa por conta allea nunha empresa española localizada en Vigo. Este traballador está inscrito na Seguridade Social española.

Posteriormente, ó traballador se lle extingue a súa relación laboral, quedando nunha situación de desemprego total.

Percibiu o subsidio de desemprego e agora se lle terminou o periodo de disfrute do mesmo.

a) ¿Ten dereito ó subsidio social de desemprego?

Fundamentación xurídica: Art. 71.1.a),ii) do Regulamento CEE n.º 1408/71

O traballador terá dereito ás prestacións de desemprego conforme o disposto na lexislación portuguesa, que determina que a protección a través do subsidio social de desemprego ten lugar nas situacións en que os beneficiarios teñan esgotado os periodos de concesión do subsidio de desemprego, sempre que se cumpran os demais requisitos.

b) Se a resposta é afirmativa, especificar cales son os requisitos a cumprir e cal é a cuantía á que tería dereito.

A institución que abona a prestación é o Centro Rexional de Seguridade Social do lugar de residencia do o traballador, unha vez que se verifiquen os seguintes requisitos:

1. O traballador tiña que estar vinculado por un contrato de traballo, ainda que estivese suxeito a lexislación especial;
2. O beneficiario debe atoparse en situación de desemprego involuntario, con capacidade e dispoñibilidade para o traballo e, inscrito, como candidato a emprego, no centro de emprego da área de residencia;
3. O prazo de garantía para a atribución do subsidio de desemprego é de 180 días de traballo por conta allea, co correspondente rexistro de remuneracións nun período de 12 meses inmediatamente anterior á data do desemprego;
4. Os rendementos mensuais per capita do conxunto familiar non poden ser superiores ó 80% do valor da remuneración mínima establecida por lei; Considérase que integra o conxunto familiar do beneficiario, ademáis deste, o cónxuxe, os descendentes ou equiparados, os ascendentes ou equiparados e os afíns, sempre que con el convivan e se atopen baixo a súa dependencia económica.

A institución terá en conta os períodos de contribucións cumpridos en España como se se efectuaran en Portugal, presentándose ó efecto o formulario E-301.

Non se recoñece o dereito ás prestacións de desemprego ós beneficiarios que, na data do desemprego, teñan a idade legal de aceso á pensión de xubilación, sempre que se teña cumprido o respectivo prazo de garantía.

A cuantía mensual do subsidio social de desemprego é imputado co valor da remuneración mínima mensual garantizada á xeneralidade dos traballadores e calculada sobre a base de 30 días no mes, nos seguintes términos:

1. 100% para os beneficiarios con familia;
2. 80% para os beneficiarios sen familia.

Sempre que pola aplicación das porcentaxes, o subsidio social de desemprego teña um valor superior á remuneración de referencia, será o mesmo reducido ó montante desta remuneración.

A remuneración de referencia corresponde á remuneración media diaria definida por R/180, en que R representa o total das remuneracións rexistradas nos primeiros 6 meses civís que preceden ó 2º mes anterior á data do desemprego.

Durante o periodo de concesión do subsidio social de desemprego, o seu montante será adaptado ás alteracións relativas da súa situación familiar.

Os periodos de concesión do subsidio de desemprego son os seguintes:

1. 6 meses para os beneficiarios con idade inferior a 30 anos;
2. 9 meses para os beneficiarios con idade igual ou superior a 30 anos e inferior a 40 anos;
3. 12 meses para os beneficiarios con idade igual ou superior a 40 anos e inferior a 45 anos;
4. 15 meses para os beneficiarios con idade igual ou superior a 45 anos.

Ós beneficiarios que na data da solicitude teñan unha idade igual ou superior a 45 anos se lles aumenta en 2 meses por cada grupo de 5 anos con rexistro de remuneracións no ambito do réxime xeral, nos últimos 20 anos civís que preceden ó do desemprego.

c) ¿Onde debe solicita-lo subsidio?

O recoñecemento do subsidio de desemprego social e subseguinte non depende da solicitude pero esixe a presentación dos medios de proba específicos que acrediten as condicións que xustifican o seu recoñecemento, no prazo de 90 días consecutivos a contar desde a cesación do subsidio de desemprego.

Para o recoñecemento do subsidio social de desemprego fan proba das respectivas condicións:

• Declaración da composición do núcleo familiar;
• Documentos fiscais, copias dos recibos das remuneracións obtidas ou outros medios que acrediten os rendementos do núcleo familiar.

  Deberá tamén presentar un certificado que mencione os periodos de seguro ou de emprego cumpridos ó amparo da lexislación española, á cal estivo suxeito, presentando o formulario E-301.

---