II. Desprazamento no sentido España-Portugal xustificado por motivos académicos ou profesionais
A - Equivalencias de titulacións estranxeiras ás correspondentes titulacións portuguesas e situacións especiais relativas a estudiantes provenientes de sistemas de Ensino Superior estranxeiros
1. INGRESO NO ENSINO SUPERIOR (BACHARELATO, LICENCIATURA…)

a) Obter a homologación dos seus estudios de Ensino Secundario

A homologación das titulacións estranxeiras do Ensino Secundario é a condición previa para poder acceder ao Ensino Superior. A documentación que debe acompañar a solicitude (formal, segundo modelo, ou informal) para a obtención da homologación dos estudios de Ensino Secundario é a seguinte:

  • · Título ou Diploma Oficial do COU e media final;
  • · Certificado acreditativo das disciplinas realizadas, no que conste o nome das materias cursadas, as cualificacións obtidas e os anos académicos nos que foron realizadas.

Todos os documentos expedidos deberán ser debidamente compulsados ou legalizados:

  • · Por calquera Representación Diplomática ou Consular do Estado Portugués en España;
  • · Por calquera Representación Diplomática ou Consular de España en Portugal.

O alumno estranxeiro (español) deberá entregar (ou enviar) a documentación citada unicamente, ao:

Departamento do Ensino Secundario

Sector de Equivalências

Ministério de Educação
Av. 24 de Julho, 138, 5º
1399-026 Lisboa

Para obter informacións adicionais sobre a homologación de títulos estranxeiros do Ensino Secundario Portugués, os interesados deberán dirixirse a unha Escola do Ensino Secundario ou ao enderezo sinalado arriba.