II. Desprazamento no sentido España-Portugal xustificado por motivos académicos ou profesionais
A - Equivalencias de titulacións estranxeiras ás correspondentes titulacións portuguesas e situacións especiais relativas a estudiantes provenientes de sistemas de Ensino Superior estranxeiros
1. INGRESO NO ENSINO SUPERIOR (BACHARELATO, LICENCIATURA…)

d) Satisfacer os requisitos previos, no caso de seren esixidos

Os requisitos previos son condicións de natureza física, funcional ou vocacional que asumen particular relevancia para o acceso a determinados cursos do Ensino Superior. A fixación de requisitos previos nalgún dos seus cursos e o propio contido de cada un deles é da competencia de cada centro de Ensino Superior. Os requisitos previos poden, conforme á súa natureza, ser eliminatorios, destinarse á selección e clasifición ou só á clasificación dos candidatos (por exemplo, para cursos de Educación Física habería que pasar determinadas probas físicas con unha determinada cualificación en función de determinadas escalas).

Para saber se a candidatura a un determinado curso dun centro dado de Ensino Superior está suxeito á satisfacción ou realización de requisitos previos debe consultarse o propio centro de Ensino Superior.

Pode tamén ser consultado o mapa de correspondencias entre requisitos previos:

  • · Nos centros de Ensino Secundario;
  • · Nos Centros de Área Educativa.

A inscrición para a realización dos requisitos previos decorre normalmente a mediados do mes de marzo nos centros de Ensino Superior e a avaliación dos requisitos previos acostuma a realizarse durante o mes de abril.