b) Mestre

Son obxecto de solicitude de homologación ao grao de mestre conferido polas universidades portuguesas, todos os graos de natureza idéntica a aqueles adquiridos en universidades estranxeiras. A respectiva homologación fará referencia a unha especialidade en particular e, neste sentido, aquela será concedida pola universidade da Escola ou Facultade onde fose obtido o grao de mestre na especialidade en cuestión.
A solicitude de homologación deberá ser enviada ao rector da universidade mediante a presentación dunha instancia (modelo n.º 525 no anexo), debendo esta facer alusión obrigatoria ao grao estranxeiro que serve de base á petición de homologación, ao centro de ensino que conferiu o grao, e á especialidade na cal é solicitada.

Os documentos que deberán ser anexados á solicitude son os seguintes:

• · Certificado confirmando a titularidade do grao de licenciado conferido por universidades portuguesas, ou de equivalente legal a este grao (*);
• · Certificado atestando a titularidade do grao sobre o cal é requirida a homologación;
• · Documento comprobativo, emitido pola universidade estranxeira que conferiu o grao, das materias que superou o solicitante e que redundaron na obtención do grao do que é solicitada a homologación;
• · Dúas copias da disertación e de outros traballos que foran elaborados no ámbito da concesión do grao obxecto da solicitude de homologación;
• · Regulamento onde consten os requisitos de admisión e obtención do grao estranxeiro do cal é pedida a homologación, por ocasión da concesión do referido grao.

Unha vez completa a formalización do proceso, este será enviado polo rectorado da universidade, nos 15 días inmediatos, á atención do consello científico da Escola ou Facultade atendendo ao criterio da especialidade. Para proferir a deliberación será constituído un tribunal que disporá de 60 días, posteriormente á publicación do seu nomeamento no Diário da República, para proceder á concesión ou denegación da homologación.