2.1. Desprazamento no sentido Portugal-España

Ana, avogada do Porto, quere exercer a súa profesión en Ourense. ¿Poderá exercer directamente a súa profesión ou necesitará o recoñecemento do seu título de licenciada por parte das autoridades españolas?

A profesión de avogado está regulada a través do sistema xeral de recoñecemento contido na Directiva 89/48/CEE. Por tanto, seguindo o teor da Directiva, Ana debe presentar a seguinte documentación no Ministerio de Xustiza:

• - Título ou diploma da formación académica de nivel superior e título profesional no seu caso.
• - Certificado académico dos estudios realizados para a obtención do título, no cal debe constar a duración dos mesmos, medida en anos académicos, e as disciplinas cursadas.
• - Documento acreditativo da nacionalidade dalgún dos países da Unión Europea.

a entrega da documentación poderá facela en calquera dos seguintes lugares:

• - Na Xerencia Territorial de Galicia: Avda. Alfonso Molina, 1, 15006 A Coruña. Tlf: 981 24 62 31.
• - Ou directamente na Oficina Central de Información y Atención al Ciudadano del Ministerio de Justicia, C/ San Bernardo, 45, Planta baja. 28015 Madrid. Tlf: 91 390 45 00.