|
IV. Obrigas Fiscais
|
||
| 4.2 Obrigas Fiscais en Portugal | ||
e) Particularidades para o empresario ou profesional non residente en Portugal O cálculo do imposto é distinto segundo o non residente realice ou non a súa actividade a través dun establecemento permanente ou instalación fixa. Considérase que un non residente realiza operacións en territorio portugués por medio de establecemento permanente cando de forma continuada ou habitual dispoña de instalacións ou locais de traballo de calquera índole, nos cales realice toda ou parte da súa actividade (de natureza comercial, industrial ou agrícola) ou cando actúe en Portugal por medio dun axente autorizado para contratar en nome e por conta da persoa non residente. O profesional pode exercer ou non a súa actividade a través dunha instalación fixa. - Realización dunha actividade comercial, industrial ou agrícola a través dun establecemento permanente: Na determinación do lucro tributable das actividades comerciais, industriais e agrícolas síguense as regras xerais establecidas no Código do IRC, con polo IRS, de acordo coas taxas xerais que varían entre o 14 e o 40%. - Realización dunha actividade profesional a través dunha instalación fixa: A tributación faise nos termos do artigo 74¼ do CIRS, que prevé que os rendementos obtidos no decurso dunha actividade por conta propia exercida en Portugal por un non residente, tanto se posee ou non unha instalación fixa, tributarán a unha taxa liberatoria do 25%. A taxa aplícase ós rendementos brutos obtidos e ten un carácter definitivo. - Se as actividades realízanse sen que exista en Portugal un establecemento permanente ou instalación fixa: Regra xeral: eses rendementos tributan a unha taxa liberatoria, de carácter definitivo, que varía entre o 15% e o 35%, con excepción dos rendementos derivados de inmobles, sendo necesario, neste último caso, presentar unha declaración de rendementos. |
||