- EDUCACIÓN SECUNDARIA
Esta etapa educativa abrangue os seguintes niveis:
- EDUCACIÓN SECUNDARIA OBRlGATORIA
A Educación Secundaria Obrigatoria abrangue dende os 12 ós 16 anos e está dividida en dous ciclos de dous cursos cada un.
A avaliación nesta etapa faise ó finalizar o primeiro ciclo e despois do 3° e 4° curso, segundo a Orde do 25 de Abril de 1994. A/o alumna/o promociona de 1° ciclo a 3° curso e de 3° a 4° curso sempre que acade os obxectivos establecidos para esta etapa, senón é así a/o alumna/o debe repetir, repetición que se fará ó rematar o 1° ciclo pero só unha vez. No caso de non acadar os obxectivos a pesar de repetir o curso a/o alumna/o pode pasar de curso coas adaptacións curriculares que se consideren oportunas, e de forma excepcional pode repetir unha segunda vez si o equipo de profesores acorda que así podería obter o título de Graduado en Educación Secundaria Obrigatoria.
* Para as/os alumnas/os que non acaden estes obxectivos e cumpran os dezaseis anos terán acceso ós Programas de Garantía Social, que lles servirían para incorporarse ó mundo laboral ou mediante unha proba de acceso á Formación Profesional Específica de Grao Medio.
- EDUCACIÓN SECUNDARIA POSTOBRIGATORIA
A Educación Secundaria Postobrigatoria está composta polo Bacharelato e a Formación Profesional Específica de Grao Medio. Neste estudio, a Formación Profesional Específica de Grao Medio tratárase no punto seguinte xunto coa Formación Profesional Específica de Grao Superior.
- BACHARELATO
O Bacharelato abrangue dende os 16 ós 18 anos. Está divido en dous cursos dun ano de duración cada un,
e clasificado en catro modalidades diferentes:
- Modalidade de Artes.
- Modalidade de Ciencias da Natureza e da Saúde.
- Modalidade de Humanidades e Ciencias Sociais.
- Modalidade de Tecnoloxía (Ver Anexo 1).
Para acceder ó Bacharelato é necesario cumprir algún dos seguintes requisitos:
- Posuír o título de Graduado en Educación Secundaria Obrigatoria
- Ter superados os estudios de 1° ciclo do Programa Experimental da Reforma Educativa.
- Estar en posesión do título de Técnico Auxiliar de Formación Profesional de 1° Grao.
- Posuír o título de Técnico tras cursar Formación Profesional Específica de Grao Medio, podendo facerse neste caso as validacións establecidas.
- Ter aprobado o 2° curso de Bacharelato Unificado Polivalente , ou con dúas materias pendentes como máximo.
- Ter superados os cursos comúns dos estudios de Artes Aplicadas e Oficios Artísticos.
A/o alumna/o que acade os obxectivos establecidos para cada etapa e para cada materia obterá o Título de Bacharel. Este título serviralle para:
- Acceder ós ciclos formativos de Grao Superior en determinadas familias profesionais.
- Acceder ó Sistema Universitario, pasando unha proba de acceso nos casos en que sea requerida.
- Acceder ós Grados e Estudios Superiores das Ensinanzas Artísticas, a través da superación dunha proba específica.
- FORMACIÓN PROFESIONAL ESPECÍFICA DE GRAO MEDIO
A nova Formación Profesional está divida en Formación Profesional Específica de Grao Medio e Formación Profesional Específica de Grao Superior, comprendendo un conxunto de ciclos formativos que teñen unha duración entre 1300 e 2000 horas, divididas en módulos de formación teórico -práctica.
Faremos referencia a este tema no punto 1.2. referido á Formación Profesional en Galicia.
Para acceder ós ciclos formativos de Grao Medio hai dúas vías:
- De forma directa .
- Mediante unha proba.
- Acceso directo:
Para acceder de forma directa é necesario cumprir algún dos seguintes requisitos:
- Posuir o título de Graduada/o en Educación Secundaria Obrigatoria.
- Posuir o título de Técnica/o Auxiliar.
- Posuir o Título de Técnica/o.
- Ter aprobado o 2° curso do Bacharelato Unificado Polivalente.
- Ter superado o 2° curso da Reforma das Ensinanzas Medias.
- Ter superados os tres cursos do Plan de 1963 das Ensinanzas de Artes Aplicadas e Oficios Artísticos.
- Ter superados outros estudios declarados equivalentes para efectos académicos con algún dos anteriores.
- Acceso mediante unha proba:
Tamén poderán acceder ós Ciclos Formativos de Grao Medio, aquelas persoas que sexan maiores de 18 anos, ou os cumpran no ano en que realicen a proba, mediante a realización e superación dunha proba de acceso. Para estes resérvase o 20% das prazas.
Tamén poden acceder mediante a realización desta proba, aquelas persoas que non teñan a idade pero que estean nalgún destes casos:
- Poidan acreditar alomenos 1 ano de experiencia laboral ou de inscrición como demandante de emprego.
- Teñan superado un Programa de Garantía Social.
- Teñan esgotadas as posibilidades de escolarización na Educación Secundaria Obrigatoria.
Ó rematar os estudios de Formación Profesional Específica de Grao Medio obtense o título de Técnica/o na profesión correspondente ó ciclo cursado. Unha vez obtido este título poden proseguir os estudios accedendo ó Bacharelato mediante as convalidacións oportunas. Dentro do marco da L.O.X.S.E. non se contempla o acceso á Formación Profesional Específica de Grao Superior dende a de Grao Medio, salvo a través dunha proba e tendo cumpridos os 18, anos a un Grao Superior da mesma familia profesional na que se cursou o Grao Medio.
____________________________________________________________________________
(2) Ver anexo 2