As escolas profesionais preséntanse coma unha alternativa á formación impartida no ensino regular e son o resultado de iniciativas levadas a cabo por empresas, concellos ou asociacións empresarias que queren responder dun modo máis directo ás necesidades das economías locais e rexionais.
| ÁMBITO |
DESCRICIÓN |
| CONDICIÓNS DE ACCESO | Ter superado con éxito o 3º ciclo do ensino básico (9º ano de escolaridade). |
| ÁREAS DE FORMACIÓN | Os cursos profesionais abranxen 17 áreas de formación(ver capítulo anterior). |
| ESTRUCTURA CURRICULAR |
Existen 3 compoñentes de formación: 1.Compoñente Socio-cultural (900h/25%); 2.Compoñente Científica (900h/25%); 3.Compoñente Técnica, Tecnolóxica e Práctica (1800h/50%). |
| DURACIÓN | 3 anos lectivos (1º, 2º e 3º) correspondentes a unha carga horaria de 3 600 h. |
| CERTIFICACIÓN | A conclusión dun curso profesional dá dereito a dous tipos de certificados: 1. Certificado de Calificación Profesional, é dicir, concesión dun título profesional (técnicos altamente cualificados, xefes de equipo ou cadros intermedios); 2. Certificado de Conclusión dos Estudios Secundarios (12º ano), a efecto de poder continuar estudios no ensino superior. |
| NÍVEL EU | Nível III |
No que se refire á organización do plano de estudios dos ciclos das escolas profesionais, e tal como se pode observar no cadro anterior, estes teñen unha duración de tres anos lectivos (1º, 2º e 3º), unha estructura modular, e tres compoñentes de formación, a saber: formación socio-cultural, formación científica, formación técnica/tecnolóxica e práctica.
Conforme coa información subministrada polo Departamento do Ensino Secundario do Ministerio da Educación en xuño de 2001, os ciclos das escolas profesionais (ver Anexo III-Portugal) están organizados en 17 áreas de formación (ás cales correspondenlles, aproximadamente, 18 ciclos), que son as seguintes:
- Administración, Servicios e Comercio;
- Agro-Alimentaria;
- Ambiente e Recursos Naturais;
- Artes do Espectáculo;
- Artes Gráficas;
- Construcción Civil;
- Deseño e Deseño Técnico;
- Electricidade e Electrónica;
- Hostelería e Turismo;
- Información, Comunicación e Documentación;
- Informática;
- Intervención Persoal e Social;
- Metalomecánica;
- Patrimonio Cultural e Producción Artística;
- Química;
- Téxtil, Vestiario e Calzado;
- Outros.
Estes cursos impártense en escolas profesionais públicas e privadas e, unha vez concluídos, obtense un certificado de Cualificación Profesional de Nivel 3 e, ademais, a equivalencia co 12º curso do ensino secundario, o que permite o acceso ó ensino superior.