5.4.2.- Definición dos postos principais nas empresas do sector
Dentro do sector téxtil identificáronse nas empresas analizadas unha serie de postos que temos diferenciado entre postos xerais o transversais, comúns a tódolos sectores, e os postos técnicos ou operativos, específicos do sector téxtil.
Nas táboas 5.23 e 5.24 preséntase unha lista dos postos, cunha breve descrición dos mesmos, indicando a porcentaxe de empresas enquisadas que conta con cada un deles. Esta porcentaxe serviu de criterio de ordenación dos postos.
|
POSTOS XERAIS
|
DEFINICIÓN
|
EXISTE
|
| Dirección Xeral | Responsable máximo da empresa, denominado normalmente xerente. Sole se-lo propietario ou accionista da empresa. É o responsable da coordinación de tódalas áreas da empresa, marcando as grandes liñas de obxectivos, para obte-los resultados previstos. |
100,0%
|
| Dirección Funcional | Dependendo do Director Xeral da empresa, as súas funcións principais son o deseño de estratexias, posta en marcha, dirección e control de tódolos aspectos da súa área da empresa. |
80,00%
|
| Comerciais | Encargado da venta dos productos comercializados pola empresa nos clientes reais e potenciais que existan, en función dos obxectivos e estratexias da empresa. |
72,00%
|
| Administrativos | Responsable de funcións como a administración de compras e ventas, contabilidade, cobros, pagos, manter ó día o arquivo, atender chamadas telefónicas, etc. |
96,00%
|
Táboa 5.23.- Postos xerais /transversais analizados no Sector Téxtil nas empresas galegas.
Como era esperable tódalas empresas teñen dirección xeral, isto é, algún responsable máximo que coordina tódalas áreas da empresa. A porcentaxe diminúe algo se analizamos os postos asociados á dirección funcional, o que pode explicarse polo reducido tamaño das empresas enquisadas. En calquera caso, á vista dos datos pode afirmarse que as empresas do sector téxtil enquisadas teñen unha certa estructura organizativa.
O dato referente á porcentaxe de empresas enquisadas con comerciais, un 72%, pódese relacionar co feito de que arredor do 78% das empresas levan a cabo actividades de distribución.
A percentagem de 72% de empresas inquiridas com comerciais, pode relacionar-se com o facto de aproximadamente 78% das empresas levarem a cabo actividades de distribuição.