Pódese observar na táboa 5.36 que o sector do turismo en Galicia aglutina a 447 empresas que alcanzan unha facturación de 712 millóns de euros, o que representa o 1,76% da facturación do conxunto total de empresas galegas. O valor engadido xerado por este grupo ascenda 302 millóns de euros, o 3,95% do total galego.

Como se indicou no resto dos sectores, hai que destacar que o feito de que os datos da táboa recolléranse do directorio ARDAN das 10.000 primeiras empresas fai que se queden fora da análise a gran maioría de empresas deste sector, sobre todo, restaurantes, bares e cafeterías, normalmente de reducido tamaño.

En canto á importancia dentro de Galicia da Zona Fronteiriza (Pontevedra e Ourense) para este sector, cabe subliñar que o 44% das empresas galegas sitúanse nesta zona, facturando algo máis do 43% do total e xerando un Valor Engadido de arredor do 40%. Debe observarse que dentro da Zona Fronteiriza existen grandes diferencias entre provincias. Así a maior parte do peso deste sector corresponde a provincia de Pontevedra, que presenta cifras de número de empresas, de facturación e de Valor Engadido moito maiores que Ourense.